ჟან მონეს მოდულის შესახებ

პირველად  სოხუმის სახელმწიფო უნივერსიტეტში - ევროკომისიის მიერ თანადაფინანსებისთვის შერჩეულ იქნა ჟან მონეს პროგრამა (Jean Monnet Activities - Erasmus+ Programme (ERASMUS) ERASMUS-JMO-2022-HEI-TCH-RSCH - CSREU).  ჟან მონეს მოდულის სამწლიანი პროექტის „კორპორაციული სოციალური პასუხისმგებლობა ევროკავშირში: გამოცდილება საქართველოსთვის“  მენეჯერია ბიზნესისა და სოციალურ მეცნიერებათა ფაკულტეტის პროფესორი ლარისა თაკალანძე; მოდული ითვალისწინებს ახალ სასწავლო კურსს „კორპორაციული სოციალური პასუხისმგებლობა ევროკავშირში“ ბაკალავრიატის სტუდენტებისთვის, საზაფხულო სკოლას „კორპორაციული სოციალური პასუხისმგებლობა საქართველო-ევროკავშირის ურთიერთობების როგორც ბაკალავრიატის, ისე მაგისტრატურის  სტუდენტებისთვის და მოიცავს კვლევებსა და მთელ რიგ ღონისძიებებს  ამ მიმართულებით. 

მოდულის სახელწოდება:

ჟან მონეს მოდული (ჟან მონეს აქტივობები - (ERASMUS-JMO-2022-HEI-TCH-RSCH - CSREU) -  პროექტის ნომერი: 101083295 — CSREU. მოდულის ხანგრძლივობაა 3 წელი (2022-2025 წწ.) 

მოდულის  მიზანი:

მოდულის ძირითადი მიზანია სოხუმის სახელმწიფო უნივერსიტეტში ევროპული სწავლების განვითარება, სასწავლო პროგრამების ხარისხის გაუმჯობესება ევროინტეგრაციის სფეროში; ახალი სასწავლო კურსი გააცნობს სტუდენტებს ევროკავშირში კორპორაციული სოციალური პასუხისმგებლობის ევოლუციას და ფორმებს, ხელს შეუწყობს ცოდნის გაღრმავებას ევროკავშირში კორპორაციული სოციალური პასუხისმგებლობის ძირითად ტენდენციებსა და პრობლემებზე.  

მოდულის ძირითადი აქტივობები:

·       ახალი სასწავლო კურსის შემუშავება - „კორპორაციული სოციალური პასუხისმგებლობა ევროკავშირში“ (ბაკალავრიატის სტუდენტებისთვის) და მისი ჩართვა უნივერსიტეტის სხვადასხვა პროგრამებში სავალდებულო და არჩევით საგნად;

·       სახელმძღვანელოს „კორპორაციული სოციალური პასუხისმგებლობა ევროკავშირში“ შემუშავება და გამოქვეყნება;

·       საერთაშორისო კონფერენცია „კორპორაციული სოციალური პასუხისმგებლობის ევროკავშირის პოლიტიკა“; გათვალისწინებულია აკადემიური პერსონალის, დოქტორანტების, მკვლევარებისა და CSR-ისა და ევროინტეგრაციის საკითხებით  დაინტერესებული პირებისთვის; კონფერენციის შედეგად გამოიცემა აბსტრაქტების კრებული;

·       საზაფხულო სკოლა „კორპორაციული სოციალური პასუხისმგებლობა საქართველო-ევროკავშირის ურთიერთობების კონტექსტში“ (ბაკალავრიატისა და მაგისტრატურის სტუდენტებისთვის);

·       შედეგების დისიმინაცია და სხვა.

მოდულის გუნდი:

ლარისა თაკალანძე, ბიზნესისა და სოციალურ მეცნიერებათა ფაკულტეტის პროფესორი, სსუ (მოდულის მენეჯერი);

ნინო თოფურიძე, ადმინისტრაციის ხელმძღვანელი, სსუ;

დავით ზაქარაია, ბიზნესისა და სოციალურ მეცნიერებათა ფაკულტეტის დეკანის მოადგილე, სსუ; 

გვანცა ჯიჩოშვილი, საერთაშორისო ურთიერთობებისა და კულტურათაშორისი კომუნიკაციების სამსახურის უფროსი სპეციალისტი;

თეონა ყაჭეიშვილი, სსუ დოქტორანტი;

ვახტანგ დანელია, IT სამსახურის უფროსი.