ბიზნესის ადმინისტრირების სადისერტაციო საბჭოზე დისერტაციის დაცვა შედგა
2021-02-10
0 Show
2021 წლის 9 თებერვალს სოხუმის სახელმწიფო უნივერისტეტის ბიზნესისა და სოციალურ მეცნიერებათა ფაკულტეტზე მოქმედი ბიზნესის ადმინისტრირების სადისერტაციო საბჭოზე დოქტორანტმა ირმა გელანტია-ახვლედიანი სადისერტაციო ნაშრომი – „შიდა აუდიტის ორგანიზაციის სრულყოფის ძირითადი მიმართულებები საქართველოს საჯარო მმართველობაში“ – დაიცვა;
საკვალიფიკაციო ნაშრომის სამეცნიერო ხელმძღვანელი გახლდათ ეკონომიკის დოქტორი, პროფესორი დავით ჯალაღონია. ნაშრომის საექსპერტო დასკვნები წარმოადგინეს სოხუმის სახელმწიფო უნივერსიტეტის ბიზნესისა და სოციალურ მეცნიერებათა ფაკულტეტის ასოცირებულმა პროფესორმა, ეკონომიკის დოქტორმა ნაზიბროლა გვარამიამ და აუდიტორული კომპანია შპს „მრჩეველის“ მმართველმა პარტნიორმა, ბიზნესის ადმინისტრირების დოქტორმა ვასილ ხანიშვილმა.
ოფიციალური რეცენზენტები გახლდნენ სოხუმის სახელმწიფო უნივერსიტეტის ბიზნესისა და სოციალურ მეცნიერებათა ფაკულტეტის ასოცირებული პროფესორი, ეკონომიკის დოქტორი იური პაპასქუა და საქართველოს ტექნიკური უნივერსიტეტის ბიზნეს ტექნოლოგიების ფაკულტეტის დეპარტამენტის პროფესორი, ეკონომიკურ მეცნიერებათა დოქტორი ლევან გრიგალაშვილი.
სადისერტაციო საბჭოსა და დოქტორანტს მიესალმა და ნაყოფიერი მუშაობა უსურვა სოხუმის სახელმწიფო უნივერსიტეტის რექტორი, პროფესორი ზურაბ ხონელიძე.