სოხუმის სახელმწიფო უნივერსიტეტის სამეცნიერო კვლევებისა და განვითარების დეპარტამენტის ინიციატივით, ტრადიციულად, 14 მაისს მუშაობას შეუდგა საუნივერსიტეტო ინტერდისციპლინარული კონფერენცია, რომელიც უნივერსიტეტის რექტორმა, პროფ. ზურაბ ხონელიძემ გახსნა. შესავალ სიტყვაში რექტორმა ისაუბრა სამეცნიერო კვლევითი მუშაობის, როგორც საუნივერსიტეტო საქმიანობის ნაწილზე, საერთაშორისო სამეცნიერო სისტემაში უნივერსიტეტის აკადემიური პერსონალის ჩართულობასა და ციტირების ინდექსის მნიშვნელობაზე. აღინიშნა იმ სამეცნიერო სიახლეების, ღონისძიებებისა შესახებ, რომელსაც უნივერსიტეტის ადმინისტრაციამ მიაღწია ბოლო დროს. კერძოდ, DOI-ის ციფრული ობიექტის იდენტიფიკატორის მიმნიჭებელ ასოციაციასთან მემორანდუმისა და ხელშეკრულების გაფორმება, Horizon Europe-ს ოფისის გახსნა, რომელიც მეცნიერებს მხარს დაუჭერს სხვადასხვა სამეცნიერო აქტივობების განხორციელებაში. მომხსენებელმა ხაზგსმით აღნიშნა, ის ფაქტი, რომ საქართველოს უნივერსიტეტებს შორის, მხოლოდ 11 უნივერსიტეტი იქნა შერჩეული Horizon Europe-ს ამ აქტივობის განსახორციელებლად. ბოლო აქტივობებიდან რექტორმა განასაკუთრებული მნიშვნელობა მიანიჭა სოხუმის სახელმწიფო უნივერსიტეტის 90 წლისთავისადმი მიძღვნილ ღონისძიებათა ციკლს, რომელიც რექტორატის გადაწყვეტილებით, უკრაინის 50 უნივერსიტეტთან და სამეცნიერო კვლევით ინსტიტუტებთან ერთობლივი ღონისძიებით - „საქართველო და უკრაინა: საერთო ევროპული არჩევანი“, გაიხსნა. ამ ნაბიჯით სოხუმის სახელმწიფო უნივერსიტეტმა კიდევ ერთხელ დაუჭირა მხარი უკრაინელი მეცნიერებისა და მთლიანად უკრაინელი ხალხის ბრძოლას იმპერიული პოლიტიკის წინააღმდეგ.
კონფერენციის მონაწილეებს მიესალმნენ და საუნივერსიტეტო სამეცნიერო საქმიანობაში ჩართულობაზე ისაუბრეს უნივერსიტეტის ადმინისტრაციის ხელმძღვანელმა, ასოც. პროფ. ნინო თოფურიძემ, წარმომადგენლობითი საბჭოს სპიკერმა პროფ. დავით ჯალაღონიამ, ხარისხის უზრუნველყოფის სამსახურის უფროსმა, ასოც. პროფ. რომეო გალდავამ, საერთაშორისო ურთიერთობებისა და კულტურათაშორისი კომუნიკაციების სამსახურის უფროსმა ასოც. პროფ. ინდირა ძაგანიამ.
სამუშაო სექციის ფარგლებში, კონფერენციის მონაწილეებმა მოისმინეს საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის დეკანის, ასოც. პროფ. ნესტან კეკელიას, ბიზნესისა და საბუნებისმეტყველო მეცნიერებათა ფაკულტეტის დეკანის, ასოც. პროფ. ირმა დიხამინჯიას, განათლების მეცნიერებათა ფაკულტეტის დეკანის, ასოც. პროფ. თამარ შინჯიაშვილის, ჰუმანიტარულ მეცნიერებათა ფაკულტეტის დეკანის, პროფ. მერაბ ნაჭყებიას, სამართლისა და დიპლომატიის ფაკულტეტის დეკანის პროფ. მერაბ გვარამიას ანგარიშები - 2021 წელს ფაკულტეტებზე განხორციელებული სამეცნიერო - კვლევითი სამუშაოებისა და 2022 წელს დაგეგმილი ღონისძიებების შესახებ. სამეცნიერო კვლევებისა და განვითარების დეპარტამენტის უფროსმა ასოც. პროფ. ლია ახალაძემ ისაუბრა 2022 წელს დეპარტამენტის მიერ ჩატარებულ და დაგეგმილ ღონისძიებებზე: მიმდინარე წელს უნივერსიტეტის ინიციატივითა და ჩართულობით ჩატარდა 6 საერთაშორისო კონფერენცია, სხვადასხვა დარგობრივი მიმართულებით, პირველად შეიქმნა აკადემიური პერსონალის ბაზა სამეცნიერო დარგების ფართო და ვიწრო სფეროს მიხედვით, ასევე პირველად შეიქმნა სამეცნიერო საგრანტო პროექტებში ჩართული აკადემიური პერსონალის ბაზა, საგანმანათლებლო პროექტებში ჩართული აკადემიური პერსონალის ბაზა, დეპარტამენტის ინიციატივით პირველად განხორციელდება უნივერსიტეტის შრომების ელექტრონული ვერსიების იდენტიფიკაცია DOI-ის ციფრული ობიექტის იდენტიფიკატორის მინიჭების საშუალებით. 2022 წელს დაგეგმილია რამდენიმე საერთაშორისო, ეროვნული და საუნივერსიტეტო კონფერენცია, რომელიც მიეძღვნება სოხუმის სახელმწიფო უნივერსიტეტის 90 წლისთავს, აკადემიკოს მარიამ ლორთქიფანიძის დაბადებიდან 100 წლის იუბილეს. ჩატარდება სტუდენტთა, მაგისტრანტთა, დოქტორანტთა და ახალგაზრდა მეცნიერთა სამეცნიერო კონფერენციები, განახლდება სტუდენტთა ეროვნული სამეცნიერო კონფერენცია - „ჟამთააღმწერელი“ VII.
დასასრულს, დისკუსიისა და აზრთა სამომავლო გეგმებზე მსჯელობის შემდეგ, კონფერენცია შეაჯამა სოხუმის სახელმწიფო უნივერსიტეტის რექტორმა პროფ. ზურაბ ხონელიძემ.
სამეცნიერო კვლევებისა და განვითარების დეპარტამენტი
ინტერდისციპლინარული ყოველწლიური აკადემიური კონფერენცია - 2022 წ. (პროგრამა)