2020 წლის 26 დეკემბერს გაზეთმა „საქართველოს
რესპუბლიკა“ გამოაქვეყნა სტატია ჟურნალისტ გ. აბჟანდაძის წერილი „ქართველ
ასტრობიოლოგთა გვარი და სახელი კოსმოსში პლანეტა მარსზე გაიგზავნა“, რომელშიც
ავტორი მკითხველს ქართველ ასტრობიოლოგთა (სოხუმის სახელმწიფო უნივერსიტეტის
პროფესორი ზაურ ლომთათიძე, ივანე ჯავახიშვილის სახელობის თბილისის სახელმწიფო
უნივერსიტეტის პროფესორი ნუგზარ ალექსიძე, დოქტორანტი მარიამ ტარასაშვილი)
საინტერესო კვლევების შედეგებს აცნობს. კერძოდ, მათ დამაჯერებლად დაადასტურეს, რომ
შესაძლებელია მზის სისტემაში ჩვენი მეზობლის გრუნტის იმგვარი ტერაფორმირება, რომ
იქ განსახლებულ ასტრონავტებს შეეძლებათ მიიღონ არამარტო ხორბლისა და ლობიოს მოსავალი, არამედ მოახდინონ
ნებისმიერი მცენარის კულტივირება, მათ შორის – ვაზისაც. ამასთან ერთად,
ზემოხსენებულმა მკვლევარებმა იზრუნეს მომავალში
მარსზე გაგზავნილ დედამიწელთა სამშენებლო მასალებით უზრუნველსაყოფად და
მარსის გრუნტის ნიადაგიდან ქიმიკოსებთან ერთად დაამზადეს სამშენებლო ბლოკები,
რომლებიც გამძლე აღმოჩნდა დაბალი ტემპერატურაზე.
კვლევის შედეგები პერიოდულად ქვეყნდებოდა
მაღალი სამეცნიერო ავტორიტეტის მქონე საერთაშორისო ჟურნალ „ასტრობიოლოგიაში“. ამ პუბლიკაციებისა და საერთაშორისო კონფერენციებში აქტიური
მონაწილეობისათვის ნუგზარ ალექსიძის, მარიამ ტარასაშვილის, აფხაზეთის
მეცნიერებათა აკადემიის პრეზიდენტის აკადემიკოს ზურაბ ლომთათიძის გვარი და
სახელი NASA-მ ჩართო იმ ასტრობიოლოგთა
სიაში, რომელიც 2020 წელს გაიგზავნა მარსზე.
სიმღერა „ჩაკრულოს“
შემდეგ, კოსმოსში ამჯერად ქართველ ასტრობიოლოგთა ვინაობაც გაიგზავნა, რაც საამაყოა
როგორც საქართველოსთვის, ასევე სოხუმის სახელმწიფო უნივერსიტეტისათვისაც.