საქართველოს დამფუძნებელი
კრების არჩევის 100 წლის იუბილესთან დაკავშირებით, საქართველოს პარლამენტი ქვეყნის
მასშტაბით აწყობს სტუდენტური ესეების კონკურსს თემაზე: „საქართველოს დემოკრატიული რესპუბლიკის
დამფუძნებელი კრება - 100“. ესეების კონკურსის
საუნივერსიტეტო ეტაპს აცხადებს სოხუმის სახელმწიფო უნივერსიტეტიც.
საკონკურსო ესე უნდა შეეხებოდეს
საქართველოს დამფუძნებელ კრებასა და მასთან დაკავშირებულ საკითხებს: არჩევნები, პოლიტიკური
პარტიები, ქალი დეპუტატები, ეთნიკური უმცირესობები, კრების მიერ მიღებული კანონები,
კონსტიტუცია და სხვა.
ვთხოვთ სსუ-ს სამივე საფეხურის სტუდენტებს დაინტერესების
შემთხვევაში ესეები გადმოგზავნონ არა უგვიანეს
2019 წლის 26 თებერვლისა შემდეგ მისამართზე: education@sou.edu.ge. საუნივერსიტეტო
ეტაპის ორი გამარჯვებული გამოვლინდება 2019 წლის
28 თებერვალს და შერჩეული ნაშრომები იმავე დღეს გადაეგზავნება დამფუძნებელი კრების 100 წლის აღსანიშნავ საიუბილეო
ღონისძიებასთან დაკავშირებით შექმნილ კომისიას.
საზოგადოებასთან ურთიერთობის სამსახური