2023 წლის 29 მაისს სოხუმის სახელმწიფო უნივერსიტეტში
საზეიმოდ გაიხსნა ყოველწლიური
ინტერდისციპლინარული საუნივერსიტეტო
აკადემიური კონფერენციების დღეები, რომელიც
ორ თვიან ციკლს მოიცავდა და 29 მაისიდან – 28 ივლისის ჩათვლით ჩატარდა.
გახსნის დღეს უნივერსიტეტის რექტორმა პროფ. ზურაბ
ხონელიძემ ისაუბრა უნივერსიტეტის სამეცნიერო - კვლევითი საქმიანობის მნიშვნელობასა
და როლზე და სამეცნიერო დღეების გახსნა საზეიმოდ მიულოცა სტუდე-ნტებსა და აკადემიურ
პერსონალს. საუნივერსიტეტო კონფერენციების მხარდაჭერაზე ისაუბრეს უნივერსიტეტის
ადმინისტრაციის ხელმძღვანელმა პროფ. ნინო თოფურიძემ და წარმომადგენლობითი საბჭოს სპიკერმა
პროფ. დავით ჯალაღონიამ. უნივერსიტეტებში სწავლებისა და სამეცნიერო კვლევითი
საქმიანობის ხარისხის გაუმჯობესების აუცილებლობას ხაზი გაუსვეს სოხუმის სახელმწიფო
უნივერსიტეტის ხარისხის უზრუნველყოფის სამსახურის უფროსმა ასოც. პროფ. რომეო გალდავამ
და სამეცნიერო კვლევებისა და განვითარების
დეპარტამენტის უფროსმა ასოც. პროფ. ლია ახალაძემ.
ფაკულტეტების დეკანებმა და ხარისხის უზრუნველყოფის
სამსახურის უფროსებმა პროფესორებმა ნესტან კეკელიამ, თამარ შინჯიაშვილმა, მერაბ
გვარამიამ, კახი კოპალიანმა, ნინო მაშიამ,
სტუდენტმა მარიამ სალუქვაძემ ისაუბრეს ფაკულტეტებზე დაგეგმილ სამეცნიერო კონფერენციებსა და სხვა მიმდინარე კვლევებზე.
ორი თვის მანძილზე სოხუმის სახელმწიფო უნივერსიტეტის
ხუთივე ფაკულტეტზე ჩატარდა აკადემიური პერსონალისა და სტუდენტთა დარგობრივი სექციების სხდომები. საუნივერსიტეტო კონფერენციების დღეებმა მუშაობა
2023 წლის 28 ივლისს დაასრულა. კონფერენციებზე წაკითხული მოხსენებების ნაწილი
გამოქვეყნდება უნივერსიტეტის „შრომების“ კრებულში.
სამეცნიერო კვლევებისა და განვითარების დეპარტამენტი