2026 წლის 27 სექტემბერს სოხუმის სახელმწიფო უნივერსიტეტს ჩხოროწყუს რამინ დიხამინჯიას სახელობის N 1 და ლესიჭინის N2 საჯარო სკოლების მოსწავლეები ესტუმრნენ. შეხვედრის ინიციატორი სოხუმის სახელმწიფო უნივერსიტეტის კურსდამთავრებული, ისტორიკოსი გოგი დავითაია იყო, რომელიც აფხაზეთიდან დევნილია. უნივერსიტეტის მხრიდან შეხვედრას კოორდინაციას უწევდა სამეცნიერო კვლევებისა და განვითარების დეპარტამენტი.
პირველ რიგში მოსწავლეებმა სამშობლოს თავისუფლებისათვის დაღუპულ გმირებს პატივი მიაგეს
გმირთა მოედანზე, სადაც სოხუმის სახელმწიფო
უნივერსიტეტის რექტორის, პროფესორმა თეა ჯუღელის ინიციატივით განათლებისა და მეცნიერების მინისტრს გივი მიქანაძესა და საქართველოს
პარლამენტის წევრ ილია ინჯიას
შეხვდნენ.
სოხუმის სახელმწიფო უნივერსიტეტში სტუმრებს გულთბილი
მასპინძლობა გაუწიეს უნივერსიტეტის რექტორმა, პროფესორმა თეა ჯუღელმა, ადმინიტრაციის ხელმძღვანელმა,
პროფესრომა დავით ჯალაღონიამ, რექტორის მოადგილემ ასოცირებულმა პროფესორმა რომეო გალდავამ, სამეცნიერო
კვლევებისა და განვითარების დეპარტამენტის უფროსმა პროფ. ლია ახალაძემ და განათლების
მეცნიერებათა ფაკულტეტის ასისტ. პროფ. ნინო წულაიამ.
პროფესორმა ომარ არდაშელიამ მოსწავლეებს მოუთხრო აფხაზეთის
კონფლიქტის წინაპირობებზე, კონფლიქტის მსვლელობასა და აფხაზეთის ომის გადამწყვეტ ბრძოლაზე
სოხუმში, რასაც ქალაქის დაცემა და აფხაზეთის ქართული მოსახლეობის ეთნიკური წმენდა მოჰყვა.
მოსწავლეები გაეცნენ ომის გმირების: ჟიული შარტავას, გურამ გაბესკირიას, რაულ ეშბას,
ჯუმბერ ბეთაშვილის, სუმბატ სააკიანის და სხვათა
ისტორიებს.
შეხვედრის დასასრულს მასპინძლებმა ორივე სკოლას
სასწავლო პედაგოგიურ-მეთოდური ლიტერატურა, ხოლო მოსწავლეებს სამახსოვრო საჩუქრები
გადასცეს. უნივერსიტეტის რექტორმა, პროფესორმა თეა ჯუღელმა ახალგაზრდა ისტორიკოსი გოგი დავითაია
სოხუმის სახელმწიფო უნივერსიტეტის სამკერდე ნიშნით დააჯილდოვა, რასაც ემოციებით
შეხვდა დამსწრე საზოგადოება. გოგი დავითაიამ მადლობა გადაუხადა მშობლიურ უნივერსიტეტს
და პირადად ქალბატონ თეა ჯუღელს გულთბილი მასპინძლობისთვის
და მოსწავლეებთან ერთად სამომავლო ვიზიტებიც დააანონსა სოხუმის სახელმწიფო უნივერსიტეტში,
ხოლო მასპინძლები ჩხოროწყუში მიიწვია.
ასეთი იყო ტკივილიანი, ცრემლიანი, მაგრამ იმედით
სავსე 27 სექტემბერი სოხუმის სახელმწიფო უნივერსიტეტში.