2020 წლის 24 სექტემბერს სოხუმის სახელმწიფო უნივერსიტეტის რექტორს, პროფესორ ზურაბ ხონელიძეს პატივი ერგო გაცნობოდა ამერიკის შეერთებული შტატების ელჩს საქართველოში, მის აღმატებულებას, ქალბატონ კელი დეგნანსა და საელჩოს კულტურისა და განათლების საკითხთა ატაშეს, ბატონ კრისტოფერ ანდერსონს.
რექტორმა აღნიშნა: კიდევ ერთხელ ვსარგებლობ შემთხვევით და მადლობას ვუხდი შეერთებული შტატების ელჩს საქართველოში, ქალბატონ კელი დეგნანს სოხუმის სახელმწიფო უნივერსიტეტისადმი გამოჩენილი ინტერესისა და ქართველი ერის მიმართ ხაზგასმული კეთილგანწყობისა და გულწრფელი დამოკიდებულების გამო.
