2020 წლიდან სოხუმის სახელმწიფო უნივერსიტეტი USAID-ის საბაზისო განათლების პროგრამის და აშშ-ს სამმხრივი კვლევების ინსტიტუტის RTI International-ის
პარტნიორი უნივერსიტეტია. მათი მხარდაჭერით,
სსუ-ს გუნდი მცხეთა-მთიანეთის მხარის 82 საჯარო
სკოლაში USAID-ის საბაზისო განათლების პროგრამის მიერ დაგეგმილ
აქტივობებს ახორციელებს. ჩატარდა ტრენინგები მასწავლებლებისა და სკოლის დირექტორებისთვის,
საკლასო დაკვირვება ყაზბეგის, დუშეთის, თიანეთისა და მცხეთის მუნიციპალიტეტის ყველა
საჯარო სკოლაში, შექმნა იდეატორთა და მკითხველთა კლუბები 10 საჯარო სკოლაში, შექმნა,
ან თარგმნა ახალი სასწავლო რესურსები და ა. შ.
2023 წლის 14 ივლისს იმავე პროექტის ფარგლებში უნივერსიტეტში
რეგიონის მასწავლებელთა სანიმუშო სასწავლო რესურსების გამოფენა გაიმართა. გამოფენაში მონაწილეობდა მცხეთა - მთიანეთის 26 საჯარო სკოლის 52 მასწავლებელი
და 36 სკოლის დირექტორი. გამოფენას მონიტორინგს უწევდა USAID - ის საბაზისო განათლებისა
და RTI International- ის საერთაშორისო მისიის ხელმძღვანელი ქალბატონი ნენსი პარკსი, პროგრამის წევრები ქალბატონები
მანანა რატიანი, ანი აბულაძე და ეკატერინე
კაპანაძე.
გამოფენა გახსნა სოხუმის სახელმწიფო უნივერსიტეტის რექტორმა, პროფ. ზურაბ
ხონელიძემ,
რომელმაც მადლობა გადაუხადა USAID - ის საბაზისო
განათლების პროგრამისა და RTI
International- ის საერთაშორისო მისიის ხელმძღვანელს ქალბატონ ნენსი პარკსს, მცხეთა-მთიანეთის
რეგიონის სკოლის მასწავლებლებსა და დირექტორებს პროექტში აქტიური ჩართულობისა და უნივერსიტეტთან ნაყოფიერი თანამშრომლობისთვის. პროექტის მნიშვნელობაზე,
სოხუმის სახელმწიფო უნივერსიტეტის გუნდის საქმიანობასა და მიღწევებზე ისაუბრა მისიის ხელმძღვანელმა ქალბატონმა ნენსი
პარკსმა, პროგრამების ხელმძღვანელმა მანანა რატიანმა, პროექტის უნივერსიტეტებთან კოორდინატორმა
ანუ აბულაძემ.
პროექტში სსუ-ს გუნდის საქმიანობაზე დეტალურად ისაუბრა
პროექტის მენეჯრმა სოხუმის სახელმწიფო უნივერსიტეტში, ასოც. პროფ. ლია ახალაძემ, რომელმაც
მადლობა გადაუხადა აქტიური საქმიანობისთვის გუნდის წევრებსა და ტრენერებს: განათლების
მეცნიერებათა ფაკულტეტის დეკანს, ასოც. პროფ. თამარ შინჯიაშვილს, პროფესორებს თეიმურაზ
ორმოცაძესა და ელისაბედ გარაყანიძეს, სსუ-ს ასისტენტს ლევან კვარაცხელიას, მეცნიერებათა დოქტორებს: მანანა ბოჭორიშვილს და მაია ფირჩხაძეს, სსუ-ს დოქტორანტს და მასწავლებელს
გიორგი ლორიას, სკოლის დირექტორს ირმა ტატიშვილს, მასწავლებლებს: ინგა ხალიბეგაშვილს
და მარიამ კვაჭაძეს.
სსუ-ს გუნდის
ტრენერების მიერ წინასწარ იქნა შერჩეული სანიმუშო სასწავლო რესურსები, რომელთა გამოფენა
განათლების მეცნიერებათა ფაკულტეტზე გაიმართა. შეიქმნა სამი ტიპის რესურსი: სასწავლო ვიდეო რესურსები,
ხელნაკეთი სანიმუშო რესურსები და პრაქტიკული
ხასიათის სტატიები, რომლებიც ინტერნეტგაზეთ
mastsavlebeli.ge - ზე გამოქვეყნდა. მეორე
ჯგუფის რესურსებზე მუშაობა მთელი სამუშაო წლის მანძილზე მიზანმიმართულად მიმდინარეობდა.
ძირითადი აქცენტები გუნდის მიერ ტრენინგებსა და საკლასო დაკვირვების დროს სასწავლო
მასალებში გამოყენებულ რესურსებზე გაკეთდა. შეიქმნა თითოეული რესურსის ანოტაცია, რომელშიც
აღწერილია რესურსის ტიპი, ინოვაცია და პრაქტიკაში გამოყენების შესაძლებლობები.
საგულისხმოა, რომ USAID-ის
საბაზისო განათლების პროგრამის სამუშაო გეგმის მიხედვით,
უნივერსიტეტს უნდა ჩაეტარებინა მასწავლებელთა მიერ მომზადებული 5 სანიმუშო რესურსის
გამოფენა. მიუხედავად ამისა, რადგან რეგიონის მასწავლებელთა სოლიდურმა ნაწილმა
სურვილი გამოთქვა მონაწილეობა მიეღო გამოფენაში,
გუნდმა გადაწვიტა, ყველა მსურველისთვის მიეცა შესაძლებლობა და შემდეგ აერჩია მათგან
საუკეთესო.
მიუხედავად ამისა, დასკვნით ღონისძიებაზე, სოხუმის სახელმწიფო უნივერსიტეტის რექტორმა ზურაბ ხონელიძემ და USAID საბაზისო განათლების პროგრამის ხელმძღვანელმა
ნენსი პარკსმა გამოფენის მონაწილე 26 სკოლის 52 მასწავლებელს სპეციალური სერტიფიკატები
გადასცეს.
იმავე დღეს, USAID-ის
საბაზისო განათლების პროგრამის სსუ-ს გუნდის ინიციატივით, უნივერსიტეტთან წარმატებული თანამშრომლობისთვის
მცხეთა-მთიანეთის მხარის 80 საჯარო სკოლის დირექტორი მადლობის სიგელით დაჯილდოვდა.
სკოლის დირექტორებმა
და მასწავლებლებმა მადლობა გადაუხადეს USAID-ის საბაზისო
განათლების პროგრამას და სოხუმის სახელმწიფო უნივერსიტეტს პროექტის ფარგლებში განხორციელებული
ეფექტური და სასარგებლო აქტივობებისა და ღონისძიებებისთვის.
ლია ახალაძე
ასოცირებული პროფესორი,
სსუ სამეცნიერო კვლევებისა და განვითარების დეპარტამენტის უფროსი,
USAID-ის საბაზისო განათლების პროგრამის
მენეჯერი სოხუმის სახელმწიფო უნივერსიტეტში