სოხუმის სახელმწიფო უნივერსიტეტის აკადემიური
საბჭოს 2023 წლის 28 ივნისის გადაწყვეტილებით,
საქართველოში ზოგადი განათლების მასწავლებელთა საუნივერსიტეტო საგანმანათლებლო
პროგრამებისა და სასკოლო განათლების განვითარებაში შეტანილი განსაკუთრებული წვლილისთვის USAID-ის
საბაზისო განათლების პროგრამისა და RTI
International - ის საერთაშორისო მისიის ხელმძღვანელის ქალბატონ ნენსი პარკსს სსუ-ს საპატიო დოქტორის წოდება
მიენიჭა.
ქალბატონი ნენსი პარკსი წლებია საქართველოში მოღვაწეობს
და დაწყებითი განათლების პროექტებს ხელმძღვანელობს. ფაქტობრივად, ამ დროის მანძლზე
ამერიკელი ქალბატონისთვის საქართველო მეორე სამშობლო გახდა. 2020 წლიდან საქართველოში USAID-ის საბაზისო განათლების პროგრამას
და სამმხრივი კვლევების ინსტიტუტის - RTI International-ის საერთაშორისო მისიას ხელმძღვანელობს.
სოხუმის სახელმწიფო უნივერსიტეტი პროექტის ბენეფიციარია, რომლის ფაგრლებში უნივერსტეტმა შეძლო
მასწავლებლის მომზადების პროგრამების (ზოგადი განათლების მასწავლებლის მომზადების საბაკალავრო-სამაგისტრო
300 კრედიტიანი პროგრამისა და მასწავლებლის მომზადების ერთწლიანი საგანმანათლებლო პროგრამის) კურიკულუმების გაუმჯობესება და სილაბუსებში ინოვაციური მასალების ინტეგრირება,
გააფართოვა უნივერსიტეტის თანამშრომლობა სკოლებთან, განსაკუთრებით მცხეთა-მთიანეთის
რეგიონის საჯარო სკოლებთან, პროგრამული აკრედიტაციისთვის მოამზადა ახალი სილაბუსები
და სასწავლო რესურსები, შექმნა იდეატორთა და მკითხველთა კლუბები, ჩაატარა კვლევები
სკოლებში და რაც მთავარია, გაზარდა სსუ-ს მასწავლებელთა პროგრამებში ჩართული აკადემიური
და მოწვეული პერსონალის გამოცდილება და ა. შ. ნენსი პარკსის და მისი გუნდის მხარდაჭერამ, პროექტის მაღალპროფესიულმა მენეჯმენტმა, ცოდნამ და გამოცდილებამ მნიშვნელოვნად გაზარდა სოხუმის სახელმწიფო
უნივერსიტეტისა და საქართველოს უნივერსიტეტების წარმატების კოეფიციენტი USAID-ის
საბაზისო განათლების პროგრამის განხორციელების პროცესში.
სოხუმის სახელმწიფო
უნივერსიტეტის აკადემიურმა საბჭომ მაღალი შეფასება
მისცა ქალბატონი ნენსი პარკსის მოღვაწეობას საქართველოში და სრულიად გაიზიარა
USAID-ის საბაზისო განათლების პროგრამის კოორდინატორის წარდგენა უნივერსიტეტის საპატიო დოქტორის წიდებაზე. 2023 წლის 14 ივლისს სოხუმის სახელმწიფო უნივერსიტეტის
სააქტო დარბაზში საზეიმო ვითარებაში გაიმართა უნივერსიტეტის ახალი საპატიო დოქტორის
ინაუგურაცია. უნივერსიტეტის რექტორმა პროფ. ზურაბ ხონელიძემ მადლობა გადაუხადა
ქალბატონ ნენსი პარკსს საქართველოში ნაყოფიერი
საქმიანობისა და სასკოლო და საუნივერსიტეტის განათლების განვითარებაში შეტანილი
განსაკუთრებული წვლილისთვის. პროექტის წარმატებებზე და ქალბატონი ნენსი პარკსისა და
მისი გუნდის მხარდაჭერაზე იუსაუბრეს USAID-ის საბაზისო
განათლების პროგრამის საგანმანათლებლო პროგრამების ხელმძღვანელმა, ილიას სახელმწიფო
უნივერსიტეტის პროფესორმა მანანა რატიანმა,
პროგრამის უნივერსიტეტებთან კოორდინატორმა ანა აბულაძემ, პროგრამის მენეჯერმა სსუ-ში,
სამეცნიერო კვლევებისა და განვითარების დეპარტამენტის უფროსმა ასოც. პროფ. ლია ახალაძემ და პროექტის ადმინისტრაციულმა მენეჯრემა სსუ-ში, განათლების
მეცნიერებათა ფაკულტეტის დეკანმა ასოც. პროფ. თამარ შინჯიაშვილმა, USAID-ის საბაზისო განათლების პროგრამის გუნდის წევრებმა:
ასოც. პროფ. ელისაბედ გარაყანიძემ, მ/დოქტ. მაია ფირჩხაძემ, ასოც. პროფ. თეიმურაზ ორმოცაძემ,
ასისტენტმა ლევან კვარაცხელიამ, სსუ დოქტორანტმა გიორგი ლორიამ, წეროვნის საჯარო სკოლის
მასწავლებელმა ინგა ხალიბეგაშვილმა, რომლებმაც გულწრფელი მადლობა გადაუხადეს ქალბატონ
ნენსი პარკსს, საქართველოშიUSAID - ის საბაზისო
განათლების პროგრამას და RTI -ის საერთაშორისო
მისიას უმნიშვნელოვანესი საგანმანათლებლო პროექტის განხორციელებისთვის. ჩვენმა ქვეყანამ
და უნივერსიტეტმა კეთილშობილი ამერიკელი ქალბატონის სახით საიმედო მეგობარი და მხარდამჭერი
შეიძინა.
სამეცნიერო კვლევებისა და განვითარების
დეპარტამენტი
