სოხუმის სახელმწიფო უნივერსიტეტი ჰანოვერის უნივერსიტეტსა
და თბილისის სახელმწიფო სამედიცინო უნივერსიტეტთან პარტნიორობით ახორციელებს DAAD
SDG ფონდის მიერ დაფინანსებულ საერთაშორისო პროექტს „მედიცინისა და ბიოლოგიის პროფილის
ქართველი სტუდენტების მომზადება სამეცნიერო კარიერისთვის საბუნებისმეტყველო მეცნიერებებსა
და მედიცინაში”. აღნიშნული პროექტის მთავარი მიზანია ქართველ კურსდამთავრებულებს საშუალება
მისცეს წარმატებით ჩააბარონ ცნობილ საერთაშორისო სადოქტორო პროგრამებზე.
პროექტი ითვალისწინებს სსუ-ის ბიოლოგიის, ბიოსამედიცინო
ინჟინერიის, ფარმაციის, ქიმიისა და კომპიუტერული ტექნოლოგიების სპეციალობების სასწავლო კურიკულუმებში არჩევითი კურსის ჩართვას,
რომელიც მოამზადებს სტუდენტებს შემდგომი ინდივიდუალური კვლევითი პროექტებისთვის. კურსზე
რეგისტრირებულ სტუდენტთა შორის აირჩევა ყველაზე პერსპექტიული კანდიდატები, რომლებიც
შეძლებენ: 1) ჰანოვერის სამედიცინო სკოლაში ყოველწლიურ LISA საზაფხულო აკადემიაში მონაწილეობასა
და 2) 6-თვიანი ინდივიდუალური კვლევის პროექტის განხორციელებას სსუ-ში.
არჩევით კურსზე „მზადება სამეცნიერო კარიერისთვის“ დარეგისტრირება
შეეძლებათ ბიოლოგიის, ბიოსამედიცინო ინჟინერიისა და ფარმაციის სპეციალობების სამაგისტრო
და განსაკუთრებულ შემთხვევებში საბაკალავრო პროგრამების სტუდენტებს. კურსზე დარეგისტრირებული
სტუდენტები გაივლიან გასაუბრებას ადგილობრივ და უცხოელ ექსპერტებთან.
რეგისტრაციის შესახებ ინფორმაცია განთავსდება 2024 წლის
20 იანვარს.