2020 წლის 28 აპრილს სოხუმის სახელმწიფო უნივერსიტეტს
მეგობრული ვიზიტით ესტუმრა საქართველოში ბელორუსიის რესპუბლიკის საგანგებო და სრულუფლებიანი
ელჩი, მისი აღმატებულება მიხეილ მიხეილის ძე მიატნიკოვი. სტუმარს უმასპინძლა რექტორმა,
პროფესორმა ზურაბ ხონელიძემ. აღსანიშნავია, რომ ბელორუსიის წარმომადგენელი და სოხუმის
სახელმწიფო უნივერსიტეტის ხელმძღვანელი ძველი მეგობრები არიან და ბატონი მ. მიატნიკოვიც
უკვე რამდეჯერმე იმყოფებოდა ჩვენს უნივერსიტეტში.
მხარეებმა განიხილეს კოვიდ-19-თან დაკავშირებული ვითარება
ორ ქვეყანაში და ის ღონისძიებები, რომლებიც ამ პანდემიასთან ბრძოლის მიზნით ხორციელდება
საქართველოსა და ბელორუსიაში. ბატონმა ელჩმა უმაღლესი შეფასება მისცა საქართველოს ხელისუფლების
ძალისხმევას ამ მიმართულებით, ხაზი გაუსვა ქართველი ექიმების მაღალ პროფესიონალიზმსა
და დამსახურებას პანდემიის მინიმალური დონის შენარჩუნებაში.
ბატონმა მ. მიატნიკოვმა ოფიციალურად დაადასტურა ბელორუსიის
რესპუბლიკის ხელისუფლების, პრეზიდენტ ალექსანდრ ლუკაშენკოს ურყევი და მტკიცე მხარდაჭერა
საქართველოს ტერიტორიული მთლიანობისადმი.
ამასთან კავშირში ბატონმა ელჩმა კიდევ ერთხელ გამოხატა
მისი დაინტერესება სოხუმის სახელმწიფო უნივერსიტეტის რექტორის ინოვაციური იდეისადმი
საერთაშორისო ურთიერთობებში, რომელსაც „საუნივერსიტეტო დიპლომატია“ ეწოდება.
მ.
მიატნიკოვმა სოხუმის სახელმწიფო უნივერსიტეტის რექტორი, პანდემიის დასრულების შემდეგ,
ოფიციალური ვიზიტით ბელორუსიაში მიიწვია, სადაც ბატონი ზურაბ ხონელიძე ადგილობრივი
ხელისუფლებისა და სამეცნიერო წრეების მაღალი დონის წარმომადგენლებთან საგანგებო შეხვედრებს
გამართავს. ამასთან ერთად, ბელორუსიის რესპუბლიკის საგანგებო და სრულუფლებიან ელჩი,
მისი სახელმწიფოს სახელით, ჩვენს უმაღლეს სასწავლებელს ყოველგვარ მხარდაჭერას შეჰპირდა.