2023 წლის 5
მაისს სოხუმის სახელმწიფო უნივერსიტეტის ჰუმანიტარულ მეცნიერებათა ფაკულტეტზე შედგა სტუდენტთა დაჯილდოება.
ამასთან ერთად, ჰუმანიტარულ მეცნიერებათა ფაკულტეტმა ჩაატარა ლიტერატურული კონკურსი „საუკეთესო
ლექსი, საუკეთესო
ესე“, სადაც,
კონკურენტულ გარემოში,
საუკეთესო ნამუშევრები და მათი
ავტორები გამოვლინდნენ.
გამარჯვებულებს სახელმწიფო ენის დღესთან დაკავშირებული წარმოდგენით მიულოცეს ქართულ ენაში მომზადების საგანმანათლებლო პროგრამის აზერბაიჯანელმა სტუდენტებმა.
დაჯილდოებაზე სტუდენტებს მიესალმნენ და საჩუქრები გადასცეს ფაკულტეტის დეკანმა, პროფესორმა მერაბ ნაჭყებიამ და დეკანის მოადგილემ ასოცირებულმა პროფესორმა ნინო მაშიამ.
ღონისძიებას ესწრებოდა სტუმარი სტუდენტური „day offs“-ის ხელმძღვანელი გიორგი ლუხავა, რომელმაც გამარჯვებულებს ასევე საჩუქრები გადასცა.
ლიტერატურული კონკურსის შედეგების შეჯამებაზე მოხსენებით წარსდგა ჟიურის წევრი, ასოცირებული პროფესორი დარიკო ფიფია.
დეკანმა, პროფესორმა მ. ნაჭყებიამ სტუდენტებს, სხვა საჩუქრებთან ერთად, საზეიმო ვითარებაში სპეციალური პრიზი „ოქროს ბუ“ უსახსოვრა.
