2025 წლის 23 ოქტომბერს სოხუმის სახელმწიფო უნივერსიტეტში (სსუ) გაიმართა მრგვალი მაგიდა თემაზე: „უმაღლესი განათლება და მდგრადი განვითარების მიზნები: ევროპული გამოცდილება“; ღონისძიება ჩატარდა სსუ-სა (ხელმძღვანელი ჟან მონეს პროფესორი ლარისა თაკალანძე) და საქართველოს ტექნიკური უნივერსიტეტის (სტუ) ბიზნესტექნოლოგიების ფაკულტეტის (ხელმძღვანელი პროფესორი, ამავე ფაკულტეტის დეკანი რუსუდან ქუთათელაძე) ერთობლივი ორგანიზებით.
მრგვალი მაგიდა გახსნა ჟან მონეს პროფესორმა ლარისა თაკალანძემ. მონაწილეებს მიესალმნენ სოხუმის სახელმწიფო უნივერსიტეტის რექტორი, პროფესორი თეა ჯუღელი და საქართველოს ტექნიკური უნივერსიტეტის პროფესორი, საქ. მეცნიერებათა ეროვნული აკადემიის წევრ-კორესპონდენტი ანზორ აბრალავა.
ღონისძიებაზე მოხსენებებით წარსდგნენ:
დუბოვსკაია ტატიანა, Nettle TOC, ბიოპლასტიკის წარმოების სტარტაპი (ნიდერლანდები) „ბიზნესი და უმაღლესი განათლება მდგრადი განვითარების მიზნებისთვის: შესაძლებლობები თანამშრომლობისთვის“ (ონლაინ);
ქუთათელაძე რუსუდან, ბიზნესტექნოლოგიების ფაკულტეტის დეკანის მ/შ, სტუ - „უსდ-ები და მდგრადი განვითარების მიზნები (საქართველოს ტექნიკური უნივერსიტეტის მაგალითზე)“ ;
თაკალანძე ლარისა, ჟან მონეს პროფესორი, სსუ - „მდგრადი განვითარების მიზნების პრაქტიკაში გამოყენება უმაღლეს განათლებაში: ევროკავშირის გამოცდილება.“
მოხსენებების შემდეგ გაიმართა ფართო დისკუსია, კითხვა-პასუხი და აზრთა გაცვლა-გამოცვლა. ყურადღება გამახვილდა ევროკავშირის საუკეთესო პრაქტიკისა და გამოცდილების გაზიარების მნიშვნელობაზე. ღონისძიების შეჯამების შემდეგ განსახილველი თემის გარშემო გამოიკვეთა გარკვეული შეხედულებები და სამომავლო ხედვა, რომლის თანახმად, მიზანშეწონილია:
• უსდ-ებში მკაფიო პოლიტიკის შემუშავება მდგრადი განვითარების მიზნების (SDGs) ინტეგრაციისთვის;
•
უსდ-ებში სტრატეგიულ დოკუმენტებში
SDGs იმპლემენტაცია;
• ცნობიერების ამაღლების კამპანიები სტუდენტებს, პროფესორ-მასწავლებლებსა და ადმინისტრაციულ პერსონალს შორის;
• მდგრადობის საკითხების ინტეგრირება სასწავლო პროცესებსა და კურიკულუმებში.
კერძო სექტორისა და უმაღლესი განათლების თანამშრომლობა SDGs რეალიზაციისთვის.
მრგვალი
მაგიდის მუშაობაში მონაწილეობდნენ სსუ-სა და სტუ-ს აკადემიური პერსონალი, მათ
შორის პროფესორები ლელა კოჭლამაზაშვილი, გიორგი ბერულავა, იური პაპასქუა,
ასოცირებული პროფესორები გიორგი სულაშვილი (სტუ-ს დეკანის მოადგილე), მარინე ხუბუა
(სსუ-ს ხარისხის უზრუნველყოფის სამსახურის მთავარი სპეციალისტი), ელისო ლანჩავა, ნინო ქეცბაია (სსუ-ს ბიზნესისა
და სოციალურ მეცნიერებათა ფაკულტეტის ხარისხის უზრუნველყოფის სამსახურის მთავარი
სპეციალისტი), ბიზნესის ადმინისტრირების საგანმანათლებლო პროგრამის მაგისტრი
მარიამ მოსიძე და სხვ. ღონისძიებას ესწრებოდნენ სსუ-ს წარმომადგენლობითი საბჭოს
სპიკერი, ასოცირებული პროფესორი ნინო თოფურიძე და ადმინისტრაციის ხელმძღვანელი,
პროფესორი დავით ჯალაღონია.
