სოხუმის სახელმწიფო უნივერსიტეტის პროექტი შოთა რუსთაველის ეროვნული სამეცნიერო ფონდის ფუნდამენტური კვლევების კონკურსში დაფინანსდა

შოთა რუსთაველის საქართველოს ეროვნული სამეცნიერო ფონდის 2025 წლის ფუნდამენტური კვლევებისთვის სახელმწიფო სამეცნიერო გრანტების კონკურსის შედეგების მიხედვით, დაფინანსდა სოხუმის სახელმწიფო უნივერსიტეტის მიერ წარდგენილი პროექტი - „ქართველთა კულტურულ-საგანმანათლებლო საქმიანობა ჩრდილო კავკასიაში და „წერა-კითხვის გამავრცელებელი საზოგადოება“.  პროექტის სამეცნიერო ჯგუფის წევრები არიან:

ლია ახალაძე - ისტორიის დოქტორი, სსუ ჰუმანიტარულ მეცნიერებათა ფაკულტეტის პროფესორი, სამეცნიერო კვლევებისა და განვითარების დეპარტამენტის ხელმძღვანელი;

 თამარ ფხალაძე - ისტორიის დოქტორი, სსუ განათლების მეცნიერებათა ფაკულტეტის ასოცირებულ პროფესორი; 

 თამარ შინჯიაშვილი -  სოციოლოგიის დოქტორი, სსუ განათლების მეცნიერებათა ფაკულტეტის პროფესორი, განათლების მეცნიერებათა ფაკულტეტის დეკანი;  

 ნინო შიოლაშვილი -  საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტის ასოცირებული პროფესორი;

 გვანცა ბურდული  - საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტის ასოცირებული პროფესორი;

 გიორგი ლორია - სოხუმის სახელმწიფო უნივერსიტეტის დოქტორანტი;

საგულისხმოა, რომ აღნიშნული გუნდი უკვე თანამშრომლობდა ერთობლივ სამეცნიერო პროექტზე და გამოსცა 1000-გვერდიანი კოლექტიური ნაშრომი დოკუმენტური მასალებით, რაც კიდევ ერთხელ ადასტურებს მათი კვლევითი საქმიანობის გამოცდილებასა და პროფესიონალიზმზე.  

სოხუმის სახელმწიფო უნივერსიტეტი ულოცავს პროექტის წევრებს ამ მნიშვნელოვან მიღწევას და წარმატებებს უსურვებს მომავალ სამეცნიერო საქმიანობაში.