კიევის ტარას შევჩენკოს სახელობის ეროვნული
უნივერსიტეტის სოციოლოგიის ფაკულტეტის ინიციატივით, მრავალი წელია ტრადიციულად ტარდება
საერთაშორისო სამეცნიერო-პრაქტიკული კონფერენცია „სოციოლოგიური თეორიის განვითარების
საკითხები“. ეს არის ერთ-ერთი უდიდესი სოციოლოგიური კონფერენცია უკრაინაში, რომელიც
მრავალი ათწლეულის განმავლობაში იმართება. მიმდინარე წელს კონფერენციის თანაორგანიზებაში
საქართველოდან სოხუმის და ილიას სახელმწიფო უნივერსიტეტებიც იყვნენ ჩართულნი. კონფერენციის
სამუშაო თემა „წინააღმდეგობის, სოლიდარობისა და მშვიდობის მშენებლობის გაგებას“ ეხებოდა.
საერთაშორისო კონფერენცია 2025 წლის 30 მაისს ონლაინ Zoom-ის პლატფორმაზე გაიხსნა. კონფერენციის მუშაობაში მონაწილეობდნენ
უკრაინის, შვედეთის, ფინეთის, საქართველოს, მოლდოვას უნივერსიტეტები და სამეცნიერო
კვლევითი ცენტრები. სამეცნიერო ფორუმში ჩართული იყვნენ ევროკავშირის საგანმანათლებლო
პროექტის PeaceEdu-ს (კურიკულუმის
რეფორმა მშვიდობის სწავლებისათვის უკრაინაში,
მოლდოვასა და საქართველოში) ხელმძღვანელი
მარკო ლეჰთი და კოორდინატორი ანუშ პეტროსიანი (ტამპერეს უნივერსიტეტი, ფინეთი). სოხუმის
სახელმწიფო უნივერსიტეტიდან კონფერენციის თანაორგანიზებასა და მუშაობაში სოხუმის სახელმწიფო
უნივერსიტეტიდან მონაწილეობდნენ პროფესორები: ზურაბ ხონელიძე, ლია ახალძე, თამარ შინჯიაშვილი
და ომარ არდაშელია.