უნივერსიტეტებსა
და სკოლებს შორის არსებული მრავალმხრივი ურთიერთობები
სასიცოცხლოდ მნიშვნელოვანი და აუცილებელია ორივე მხარის განვითარებისთვის. სოხუმის
სახელმწიფო უნივერსიტეტის აკადემიური პერსონალის მჭიდრო კავშირები სკოლებთან დაკავშირებულია
სასკოლო და საუნივერსიტეტო ცხოვრებასთან, პედაგოგიურ პრაქტიკებთან, სამოქმედო კვლევებისა
და სხვადასხვა პროექტების განხორციელებასთან, სემინარებისა და საჯარო ლექციების ჩატარებასთან.
მორიგი სემინარი, 2025 წლის 23 მაისს, სსიპ თბილისის 157 - ე საჯარო სკოლაში,
ისტორიის
მასწავლებლის ედნა ბაზერაშვილის ინიციატივით გაიმართა. X-XI კლასელებს, აფხაზეთის კულტურული
მემკვიდრეობა სამეცნიერო კვლევებისა და განვითარების
დეპარტამენტის უფროსმა, პროფესორმა ლია ახალაძემ გააცნო. მოსწავლეებში განსაკუთრებული ინტერესი
გამოიწვია შუა საუკუნეების აფხაზეთის მოსახლეობისა და ეგრის-აფხაზეთის მეფეთა წერილობითი ძეგლების
პრეზენტაციამ. საინტერესო დისკუსიისა და კითხვა-პასუხის შემდეგ, პროფ. ლია ახალაძემ
მოსწავლეებს და სკოლას საჩუქრად მხატვრული და ისტორიული ჟანრის, ასევე პედაგოგიურ-პრაქტიკული
მნიშვნელობის წიგნები გადასცა. დასასრულს, მომხსენებლმა მადლობა გადაუხადა სკოლის
მასწავლებელს, ქ-ნ ედნა ბაზერაშვილს
აფხაზეთის თემატიკით დაინტერესებისთვის და მოსწავლეები უნივერსიტეტის გასაცნობად
მიიწვია.