სოხუმის სახელმწიფო უნივერსიტეტის აფხაზური ენისა და კულტურის ინსტიტუტმა მოიპოვა გაერო-სა დაევროკავშირის ერთობლივი პროგრამა COBERM-ის სამეცნიერო გრანტი პროექტისათვის ,,აჭარაში მცხოვრებ აფხაზთა იდენტობის კვლევა". პროექტის ხელმძღვანელია აფხაზური ენისა და კულტურის ინსტიტუტის დირექტორი პროფ. თ. გვანცელაძე. მონაწილეები არიან ინსტიტუტის თანამშრომლები: პროფ. მანანა ტაბიძე, უმცროსი მეცნიერი თანამშრომლები სოფიკო ჭაავა და თამარ გითოლენდია; სტუდენტური თვითმმართველობის წევრი ელიკო ბენდელიანი და აფხაზური ენისა და ლიტერატურის სპეციალობის მეორე კურსის სტუდენტები: თამარ აბაშიძე, თინათინ ბუხნიკაშვილი, გვანცა გიგუაშვილი და მაგდა ნათაძე.
პროექტი განხორციელდება 2011 წლის 1 თებერვლიდან 31 ივლისის ჩათვლით თბილისსა და აჭარაში, კერძოდ, ქ. ბათუმში, ხელვაჩაურის რ-ნის სოფლებში: ფერია, ანგისა, ადლია, ურეხი, სალიბაური, ქვედა სამება.