უნივერსიტეტის სამეცნიერო პუბლიკაციების საერთაშორისო სამეცნიერო მონაცემთა ბაზებთან
წვდომის მიზნით, 2022 წლის 13 მაისს, სოხუმის
სახელმწიფო უნივერსიტეტის რექტორს, პროფ. ზურაბ ხონელიძესა და არასამთავრობო ორგანიზაცია „ასოციაცია მეცნიერებისთვის“ პრეზიდენტ
თამარ ხახუტაშვილს შორის ხელი მოეწერა ურთიერთთანამშრომლობის მემორანდუმს.
მემორანდმი ითვალისწინებს სამეცნიერო სფეროში
ურთიერთთანამშრომლობას, საერთაშორისო სამეცნიერო მონაცემთა ბაზებსა და საძიებო სისტემებში უნივერსიტეტის სამეცნიერო პუბლიკაციების: აკადემიური პერსონალის
სამეცნიერო შრომების, სტატიების, წიგნებისა და ჟურნალების ელექტრონული ვერსიების იდენტიფიკაციის
მიზნით DOI-ის ციფრული ობიექტის იდენტიფიკატორის მინიჭებასა და მასთან
დაკავშირებული აუცილებელი მომსახურების განხორციელებას.
მემორანდუმის საფუძველზე, სსუ ადმინისტრაციის ხელმძღვანელს ასოც. პროფ.
ნინო თოფურიძესა და ასოციაციას შორის გაფორმდა ხელშეკრულება უნივერსიტეტის სერვერზე სამეცნიერო ჟურნალების ელექტრონული ვერსიის ასატვირთი პორტალის ჩაშენებისა და მომსახურებისთვის აუცილებელი სასწავლო ტრენინგების
ჩატარების მიზნით.
DOI-ს ციფრული ინდიკატორის სსუ-ს ელექტრონულ ბაზაში ჩაშენება და მასში სამეცნიერო
სტატიების, ჟურნალებისა და შრომების განთავსება გააფართოვებს აკადემიური პერსონალის
საერთაშორისო სამეცნიერო სისტემაში ჩართულობას და გაზრდის უნივერსიტეტის
სამეცნიერო პროდუქციის ციტირების ინდექსს.
სამეცნიერო კვლევებისა
და განვითარების დეპარტამენტი