1. 2024 წლის 25 მარტს, ერაზმუს+ პროექტის „ვირტუალური გაცვლითი პროგრამები მსოფლიოს სხვა სპეციფიკურ რეგიონებში“ ფარგლებში, სოხუმის სახელმწიფო უნივერსიტეტის საერთაშორისო ურთიერთობებისა და კულტურათაშორისი კავშირების დეპარტამენტში გაიხსნა კონსულტირების ოფისი (I კორპუსი, ოთახი #319), რომლის მიზანია სტუდენტების მომსახურება ვირტუალურ გაცვლით პროგრამებთნ დაკავშირებით.
ვირტუალური გაცვლითი პროგრამებით დაინტერესებულ სტუდენტებს შეუძლიათ ნებისმიერ დროს მიმართონ ოფისს და მიიღონ კონსულტაცია მათთვის საინტერესო საკითხებზე.
2. საინფორმაციო შეხვედრა სტუდენტებთან და აკადემიურ პერსონალთან
2024 წლის 17 აპრილს სოხუმის სახელმწიფო უნივერსიტეტის ჰუმანიტარულ მეცნიერებათა და განათლების მეცნიერებათა ფაკულტეტების სტუდენტებისა და აკადემიური პერსონალისთვის გაიმართა საინფორმაციო ხასიათის შეხვედრა ვირტუალურ გაცვლით პროგრამებთან დაკავშირებით.
ერაზმუს+ ინსტიტუციური თანამშრომლობის პროექტზე „ვირტუალური გაცვლითი პროგრამები მსოფლიოს სხვა სპეციფიკურ რეგიონებში“ ისაუბრა პროექტის კოორდინატორმა სოხუმის სახელმწიფო უნივერსიტეტში, პროფესორმა ინდირა ძაგანიამ. მან დამსწრე საზოგადოებას მიაწოდა ინფორმაცია იმ ვირტუალურ გაცვლით პროგრამებზე, რომელთა შექმნა იგეგმება სოხუმის სახელმწიფო უნივერსიტეტში, ასევე ისაუბრა კონსულტირების ოფისზე.
შეხვედრა კითხვა-პასუხის რეჟიმში წარიმართა.
3.საინფორმაციო ხასიათის შეხვედრები გრძელდება
2024 წლის 30 აპრილს სოხუმის სახელმწიფო უნივერსიტეტის სამართლისა და დიპლომატიის და ბიზნესისა და სოციალურ მეცნიერებათა ფაკულტეტებზე გაიმართა საინფორმაციო ხასიათის შეხვედრა, რომლის მიზანი იყო სტუდენტებისა და პერსონალისთვის საერთაშორისო ურთიერთობებისა და კულტურათაშორისი კავშირების დეპარტამენტში გახსნილი ვირტუალურ გაცვლით პროგრამებზე კონსულტირების ოფისის შესახებ ინფორმაციის მიწოდება.
შეხვედრას უძღვებოდა დეპარტამენტის ხელმძღვანელი, პროფესორი ინდირა ძაგანია. მან ისაუბრა ვირტუალურ გაცვლით პროგრამებზე, ოფისის ფუნქციებზე. ინფორმაციამ დიდი დაინტერესება გამოიწვია. პროფესორმა ინდირა ძაგანიამ უპასუხა დასმულ კითხვებს.
4 საინფორმაციო ხასიათის შეხვედრა საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტზე
2024 წლის 10 მაისს სოხუმის სახელმწიფო უნივერსიტეტის საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტზე გაიმართა საინფორმაციო ხასიათის შეხვედრა ვირტუალურ გაცვლით პროგრამებსა და კონსულტირების ოფისზე.
სოხუმის სახელმწიფო უნივერსიტეტში, როგორც ეს უნივერსიტეტის სტუდენტებისა და თანამშრომლებისთვის არის ცნობილი, 2023 წლიდან ხორციელდება ერაზმუს+ ინსტიტუციური თანამშრომლობის პროექტი „ვირტუალური გაცვლითი პროგრამები მსოფლიოს სხვა სპეციფიკურ რეგიონებში“. ამ პროექტის ფარგლებში 2024 წლის 25 მარტს საერთაშორისო ურთიერთობებისა და კულტურათაშორისი კავშირების დეპარტამენტში გაიხსნა კონსულტირების ოფისი (I კორპუსი, ოთახი #319). სწორედ ამ ოფისსა და ვირტუალურ გაცვლით პროგრამებს მიეძღვნა აღნიშნული შეხვედრა.
შეხვედრაზე პროფესორმა ინდირა ძაგანიამ სტუდენტებს და პერსონალს მიაწოდა ინფორმაცია კონსულტირების ოფისის ფუნქციებზე, იმ ვირტუალურ გაცვლით პროგრამებზე, რომლებიც პროექტის ფარგლებში შეიქმნება. მიწოდებულმა ინფორმაციამ დასწრეთა დიდი დაინტერესება გამოიწვია.