2023 წლის 14 ნოემბერს სოხუმის სახელმწიფო
უნივერსიტეტში მეცნიერების საერთაშორისო დღისადმი მიძღვნილი საინფორმაციო-ანალიტიკური
კონფერენცია გაიმართა. კონფერენციის მონაწილეებს მეცნიერების საერთაშორისო დღე უნივერსიტეტის რექტორმა პროფ.
ზურაბ ხონელიძემ და Horizon Europe-ს ეროვნული
ოფისის ხელმძღვანელმა ლევან ხეცურიანმა მიულოცეს. უნივერსიტეტის რექტორმა ისაუბრა
თანამედროვე გლობალურ სამყაროში უნივერსიტეტების მისიისა და მეცნიერების
განვითარების ტრანსფორმაციის აუცილებლობაზე, სოხუმის სახელმწიფო უნივერსიტეტის
როგორც მშვიდობის ქართული პარადიგმის მატარებელი უმაღლესი სასწავლებლის განსაკუთრებულ
მისიას ქართულ-აფხაზური და ქართულ-ოსური ურთიერთობების დარეგულირების საკითხში.
საქართველოს Horizon Europe-ს ეროვნული
ოფისის ხელმძღვანელმა ლევან ხეცურიანმა ვრცლად ისაუბრა Horizon Europe-ს ხელშემწყობ
მექანიზმებზე მეცნიერების განვითარებაში,
საქართველოს ეროვნული ოფისის საქმიანობის ძირითად მიმართულებებსა და იმ შესაძლებლობებზე,
რომელსაც ეროვნული ოფისის თანამშრომლები ახორციელებენ მეცნიერთა მხარდასაჭერად.
კონფერენციის მთავარი მომხსენებელი იყო Horizon
Europe-ს ეროვნული ოფისის ევროპული კვლევების
საბჭოს ეროვნული საკონტაქტო პირი ეკატერინე საინაია, რომელმაც უნივერსიტეტის
აკადემიურ პერსონალს გააცნო ჰორიზონტ ევროპის (Horizon Europe) ევროპული კვლევების
საბჭოს (ERC) შესაძლებლობები ქართველი მეცნიერებისთვის და დეტალურად ისაუბრა ევროპული კვლევების საბჭოს საგრანტო
კონკურსებზე, განაცხადის შევსების თავისებურებებსა და შეფასების კრიტერიუმებზე.
კონფერენციის სამუშაო სექციაზე საინფორმაციო-ანალიტიკური მოხსენებები გააკეთეს სსუ ხარისხის უზრუნველყოფის სამსახურის უფროსმა ასოც. პროფ. რომეო გალდავამ, საგარეო ურთიერთობებისა და კულტურათაშორისო კომუნიკაციების სამსახურის უფროსმა, ასოც. პროფ. ინდირა ძაგანიამ, უნივერსიტეტის რექტორმა, პროფ. ზურაბ ხონელიძემ, ჰორიზონტ ევროპის საუნივერსიტეტო საგრანტო ოფისის ხელმძღვანელმა სოხუმის სახელმწიფო უნივერსიტეტში ანა სამაკაშვილმა, სამეცნიერო კვლევებისა და განვითარების დეპარტამენტის უფროსმა ასოც. პროფ. ლია ახალაძემ.
მოხსენებების შემდეგ გაიმართა დისკუსია, ადმინისტრაციულმა და აკადემიურმა პერსონალმა პროფ. ლარისა თაკალანძემ, ასოც. პროფ. ნინო თოფურიძემ, ასოც. პროფ. თამარ შინჯიაშვილმა და სხვებმა მადლობა გადაუხადეს მთავარ მომხსენებელსა და სამუშაო სექციის მონაწილეებს, გაზიარებული იქნა ცელკეული რჩევები და რეკომენდაციები. კონფერენცია შეაჯამა უნივერსიტეტის რექტორმა პროფ. ზურაბ ხონელიძემ.
იხ. კონფერენციის პროგრამა
