2022 წლის 27-28 დეკემბერს, სამეცნიერო კვლევებისა და განვითარების დეპარტამენტის ინიციატივით, სოხუმის სახელმწიფო უნივერსიტეტში ევროკავშირის Erasmus+ პროექტის DITECH-ის (ტექნოლოგიებით გაძლიერებული სწავლება და სწავლა საქართველოს უნივერსიტეტებში) სსუ-ს გუნდმა (ლია ახალაძე, თამარ შინჯიაშვილი, ლევან კვარაცხელია, ნინო წულაია) ტრენინგები ჩაატარა თემაზე: საგანმანათლებლო ტექნოლოგიების და პლატფორმების გამოყენება სწავლა-სწავლების პროცესში Camtasia, Snagit, h5p, Miro, Infographic, Canva.
ტრენინგებში ჩართვისთვის აუცილებელი მოთხოვნები იყო: კომპიუტერში ნავიგაციის უნარი და სასწავლო კურსებში საგანმანათლებლო ტექნოლოგიების დანერგვის სურვილი. ღონისძიენაში მონაწილეობდა სოხუმის სახელმწიფო უნივერსიტეტის ხუთივე ფაკულტეტიდან 3-3 ლექტორი. უმრავლესობის მიერ გამოითქვა სურვილი - ერთ კონკრეტულ პლატფორმაზე დაყრდნობით, თითოეულმა მონაწილემ შექმნას საგანმანათლებლო რესურსები, რომელსაც მონიტორინგს პროექტის ტრენერები გაუწევენ.
იმავე თემაზე, დაგეგმილია ტრენინგების მეორე ეტაპი და
ინდივიდუალური შეხვედრები აკადემიურ პერსონალთან, რომლის დასრულების შემდეგ, გაიცემა შესაბამისი სერტიფიკატები.
