აფხაზეთის ავტონომიური რესპუბლიკის უმაღლეს საბჭოში გაიმართა წლის გამორჩეული ადამიანების საახალწლო მიღება-დაჯილდოების ცერემონია.

იმდინარე წლის 24 დეკემბერს აფხაზეთის ავტონომიური რესპუბლიკის უმაღლეს საბჭოში გაიმართა წლის გამორჩეული ადამიანების საახალწლო მიღება-დაჯილდოების ცერემონია.

 ღონისძიების ფარგლებში საპატიო სიგელებითა და მედლებით დაჯილდოვდნენ:

 სოხუმის სახელმწიფო უნივერსიტეტის სამეცნიერო კვლევებისა და განვითარების დეპარტამენტის უფროსი, პროფესორი ლია ახალაძე;

 სოხუმის სახელმწიფო უნივერსიტეტის პროფესორი, ენათმეცნიერ-კავკასიოლოგი, აფხაზური, აბაზური და ქართული ენების მკვლევარი, აფხაზეთის მეცნიერებათა აკადემიის აკადემიკოსი თეიმურაზ გვანცელაძე;

ბიოლოგიის მეცნიერებათა დოქტორი, სოხუმის სახელმწიფო უნივერსიტეტის პროფესორი, მკვლევარი და აფხაზეთის მეცნიერებათა აკადემიის აკადემიკოსი ზაურ ლომთათიძე.

მიწვეულ სტუმრებს აფხაზეთის უმაღლესი საბჭოს უმაღლესი ჯილდო - საპატიო სიგელი და მედალი - უმაღლესი საბჭოს თავმჯდომარემ, ჯემალ გამახარიამ გადასცა.

სოხუმის სახელმწიფო უნივერსიტეტი ულოცავს თავის ღვაწლმოსილ პროფესორებს მიღებულ ჯილდოებს და უსურვებს ჯანმრთელობას, შემოქმედებით ენერგიას, ახალ სამეცნიერო მიღწევებსა და წარმატებულ საქმიანობას - ქვეყნისა და აკადემიური საზოგადოების საკეთილდღეოდ.