2026 წლის 16 ოქტომბერს სოხუმის სახელმწიფო უნივერსიტეტში გაიმართება საერთაშორისო სამეცნიერო კონფერენცია - „მშვიდობა და კონფლიქტის მოგვარება: ევროკავშირის გამოწვევები და მათი გავლენა საქართველოზე“.
კონფერენცია ტარდება ERASMUS+ პროგრამის ჟან მონეს მოდულის - „მშვიდობის ქართული პარადიგმა და მშვიდობის მშენებლობა ევროკავშირში“ ფარგლებში (N101175481 ERASMUS-JMO-2024-MODULE-EUPEACE).
სამეცნიერო კონფერენცია გააერთიანებს მეცნიერ-მკვლევრებს, აკადემიურ პერსონალს, დოქტორანტებს, ექსპერტებსა და სფეროთი დაინტერესებულ მონაწილეებს. შეხვედრის მიზანია ევროკავშირის პოლიტიკის, მშვიდობის მშენებლობის, კონფლიქტების მოგვარებისა და ევროინტეგრაციის საკითხებზე სამეცნიერო მსჯელობისა და გამოცდილების გაზიარების ხელშეწყობა.
კონფერენციის ძირითადი თემებია:
- უმაღლესი განათლების როლი მშვიდობის მშენებლობაში;
- ევროკავშირი როგორც მშვიდობის აქტორი;
- კონფლიქტები და სამშვიდობო პროცესები საქართველოში - აფხაზეთი და ცხინვალის რეგიონი;
- ევროკავშირის მიერ კონფლიქტის მართვა და მედიაცია საქართველოში;
- ევროინტეგრაცია როგორც მშვიდობის მშენებლობის პროექტი;
- ევროკავშირი-საქართველოს ურთიერთობები - გამოწვევები და შესაძლებლობები გლობალურ კონტექსტში.
კონფერენცია ჰიბრიდულ ფორმატში გაიმართება.
სამუშაო ენებია ქართული და ინგლისური.
თარიღი: 16 ოქტომბერი, 2026 წელი.