მიმდინარე
წელს სოხუმის სახელმიწფო უნივერსიტეტი საზეიმოდ აღნიშნავს უნივერსიტეტის დაარსების 90 წლის იუბილეს. აღნიშნულ
თარიღს არაერთი ღონისძიება მიეძღვნა, მათ შორის საერთაშორისო, ეროვნული და საუნივერსიტეტო
კონფერენციები, მრგვალი მაგიდა, სემინარები, საპატიო დოქტორების არჩევა და ა.
შ. უნივერსიტეტის საიუბილეო ღონისძიებათა
ციკლს კიდევ ერთი აქტივობა - სამეცნიერო პრაქტიკული ხასიათის კონფერენცია საერთაშორისო საგანმანათლებლო პროექტების დისემინაცია და განათლების თანამედროვე პარადიგმები გაიმართა. კონფერენცია 2022 წლის 1 აგვისტოს გაიხსნა, რომელიც სამეცნიერო
კვლევებისა და განვითარების დეპარტამენტის,
განათლების მეცნიერებათა ფაკულტეტისა
და მულტიკულტურული განათლებისა და კულტურის კვლევების ცენტრის ორგანიზებით
გაიმართა.
კონფერენცია
გახსნა უნივერსიტეტის სამეცნიერო კვლევებისა და განვითარების დეპარტამენტის ხელმძღვანელმა,
ასოც. პროფ. ლია ახალაძემ, რომელმაც აღნიშნა, რომ საერთაშორისო საგანმანათლებლო პროექტების
იდეების გავრცელება და განათლების თანამედროვე პარადიგმების კონფერენცია სოხუმის
სახელმწიფო უნივერსიტეტმა უკვე ტრადიციად
აქცია და ზოგჯერ საერთაშორისო ჩართულობით,
ზოგჯერ ეროვნულ დონეზე ყოველწლიურად
ტარდება. ეს შეხვედრები, ხელს უწყობს
სამეცნიერო აზრისა და პრაქტიკული საქმიანობის მაგალითების გაზიარებას, აკადემიური პერსონალისა
და უნივერსიტეტების თანამშრომლობითი ურთიერთობების გაფართოებას, სკოლებისა და
უნივერსიტეტების დაახლოებას, საერთო ღირებულებებზე კონცეტრირებას და რაც მთავარია,
ახალი, ინოვაციური საგანმანათლებლო იდეების გავრცელებას. მომხსენებლებს მიესალმნენ
და წარმატებები უსურვეს სსუ ადმინისტრაციის ხელმძღვანელმა, ასოც. პროფ. ნინო თოფურიძემ და განათლების მეცნიერებათა
ფაკულტეტის დეკანმა ასოც. პროფ. თამარ შინჯიაშვილმა.
საგულისხმოა, რომ კონფერენციის მთავარ მომხსენებლებს
შორის იყო განათლების დოქტორი, პროფესორი, ესტონეთის განათლების სამინისტროსა და ფონდ „ინოვეს“ ექსპერტი, ენე სილვია სარვი, რომელმაც
მონაწილეებს ესტონური გამოცდილება, გაკვეთილები
და პროგნოზები გააცნო. კონფერენციაზე მუშაობდა სამი სექცია: ევროპული და ამერიკული
საგანმანათლებლო პროექტების დისემინაცია - მოდერატორები: თამარ შინჯიაშვილი
და მაია ფირჩხაძე; მეორე სექციის მოხსენებები
მთლიანად ეხებოდა ადრეული/სკოლამდელი განათლების და ინკლუზიური
განათლების (უსაფრთხოება, ურთიერთობა, საგანმანათლებლო
პროცესი, შეფასება) - მოდერატორები: ნანა
მაკარაძე და ლალი ახალაძე; პედაგოგიკისა
და სწავლების მეთოდიკის სექცია - მოდერატორები: გულნაზ ხუხუა, ლევან ჯინჯიხაძე,
თეიმურაზ ორმოცაძე.
კონფერენციის მუშაობაში ჩართული იყო სოხუმის სახელმწიფო
უნივერსიტეტის, ივ. ჯავახიშვილის სახელობის თბილისის სახელმწიფო უნივერსიტეტის,
ბათუმის შოთა რუსთაველის სახელმწიფო უნივერსიტეტის, სამცხე - ჯავახეთის სახელმწიფო
უნივერსიტეტის, აკაკი წერეთლის სახელმწიფო უნივერსიტეტის აკადემიური და მოწვეული
პერსონალი, მასწავლებელთა პროფესიული განვითარების ცენტრი, ა(ა)იპ
,,ბავშვი, ოჯახი, საზოგადოება’’, საჯარო სკოლების მასწავლებლები და
ა. შ.
კონფერენციის
შემაჯამებელ შეხვედრაზე აღინიშნა, წარმოდგენილი მოხსენებების აქტულობა, მაღალი აკადემიური და პრაქტიკული მნიშვნელობა, როგორც
საუნივერსიტეტო, ასევე სასკოლო განათლების განვითარებისთვის. მოხსენებათა მოკლე შინაარსები განთავსდება
უნივერსიტეტის ვებ-გვერდზე.
კონფერენციის პროგრამა იხილეთ აქ: აერთაშორისო საგანმანათლებლო პროექტების დისემინაცია და განათლების თანამედროვე პარადიგმები